Quote from admin on 15.04.2024, 19:57

1. Азаматтық қоғамның саяси негіздері
A) құқықтық мемлекет
B) жариялылық
C) тәуелсіз БАҚ (Бұқаралық ақпарат құралдары)
D) демократия
E) барлық жауаптар дұрыс

2. Президент - мемлекет басшысы. Ол үкіметті құрады және атқарушы билікті басқарады. Бұл басқарудың қандай формасының ерекшеліктері?
A) президенттік республика
B) абсолютті монархия
C) парламенттік республика
D) шектеулі монархия
E) конституциялық монархия

3. ҚР Конституциялық құқығы дегеніміз не?
A) мемлекеттік басқару саласындағы қоғамдық қатынастарды реттейтін құқық саласы
B) ҚР Конституциясында тіркелген заңдық нормалардың жиынтығы;
C) конституциялық құрылым негіздерін, жеке тұлғаның құқықтық жағдайын, басқару түрі мен мемлекеттік құрылымды реттеп отыратын құқықтың жетекші саласы
D) ҚР конституциялық құрылысының қалыптасу тарихын зерттейтін заң ғылымы
E) Еңбек және халықты жұмыспен қамту саласындағы қоғамдық қатынастарды реттейтін құқық саласы

4. ҚР Конституциясының қандай ерекшелігі ҚР басқа нормативтік құқықтық актілеріне тән емес?
A) Конституцияның заңды күші бар
B) Конституция нормативтік құқықтық акт болып табылады
C) Конституцияға өзгерістер мен толықтырулар белгіленген тәртіптен өзгеше өзгертілмейді
D) Конституция ҚР бүкіл аумағында қолданылады
E) Конституцияны Қазақстан халқы қабылдады

5. Қандай азаматтар дауыс беруге қатыспайды?
А) соттылығы барлар
B) жиырма жасқа толмаған
C) сайлау алдындағы бір жыл ішінде сыбайлас жемқорлық құқық бұзушылық жасағаны үшін тәртіптік жауаптылыққа тартылған
D) тіркеу алдында бір жыл ішінде қасақана құқық бұзушылық жасағаны үшін сот тәртібімен әкімшілік жаза қолданылған
E) сот әрекетке қабілетсіз деп таныған тұлғалар.

6. Сайлау жүйесі дегеніміз не?
A) мемлекеттік қызметтің лауазымдарын жасақтау тәсілі
B) тікелей халықтың немесе уәкілетті адамдардың дауыс беру нысанындағы ерік білдіруіне негізделген мемлекеттік органдарды қалыптастыру тәсілі
C) сайлау нәтижелері бойынша кандидаттар арасында мандаттарды бөлу тәсілі
D) сайлау органдарының жүйесі
E) бір мандатты, көп мандатты округтер мен партиялық тізімдер бойынша сайланатын депутаттардың арақатынасы

7. ҚР Үкіметі қандай орган болып табылады?
A) жоғары заң шығарушы орган
B) жоғары сот органы
C) Парламенттің атқарушы-өкімші органы
D) Парламенттің атқарушы-өкімші органы оның сессиялары аралығындағы кезеңде қабылдайды
E) атқарушы биліктің жоғары органы

8. ҚР Парламентінің төменгі және жоғарғы палаталары қалай аталады?
A) өкілдер палатасы және Сенат
B) Сенат пен Мәжіліс
C) Жоғарғы Кеңес және Сенат
D) мәслихат және Сенат
E) Мәжіліс пен Сенат

9. Конституциялық құрылым дегеніміз не?
A) әлеуметтік, экономикалық және саяси-құқықтық қатынастар жүйесі
B) азаматтардың ҚР Конституциясында бекітілген қоғамдық қажетті мінез-құлықтары
C) адамның бостандығының шегі, мінез-құлқының шекарасы
D) мемлекетті ұйымдастырудың Конституциямен бекітілген нақты формасы, нақты тәсілі
E) мүліктік және жеке мүліктік емес қатынастарды реттеп отыратын құқықтық нормалар жиынтығы

10. “Халық Конституцияны қабылдайды, мемлекет басшысын және Парламентті тікелей сайлайды, өкілеттілік мерзімі өткеннен кейін оларды ауыстыра алады. Мемлекет жеке азаматтардың мүддесіне сай әлеуметтік жағдайына, тегіне, ұлтына қарамастан оларға сөз еркіндігін, тілі мен ұлтын таңдау еркіндігін, бірлестіктерге бірігу еркіндігін беріп, мемлекеттік қызметке тең дәрежеде кіруіне жағдай туғызады”. Бұл ереже Конституциялық құрылыстың қандай негізін көрсетеді?
A) Қазақстан Республикасы-демократиялық мемлекет
B) Қазақстан Республикасы — зайырлы мемлекет
C) Қазақстан Республикасы — әлеуметтік мемлекет
D) Қазақстан Республикасы — біртұтас мемлекет
E) Қазақстан Республикасы — құқықтық мемлекет